Teikning I
fullorðinshópur (17+ ára )
Tímasetning
Miðvikudaga kl 19:00-22:00
9. sept - 28. okt 2026
8 vikur
Verð
75.000 kr
Staðsetning
Selið, Engjavegi 48, Selfossi.
Stendur við Selfossvöllinn.
Myndlistakennararnir
Ragnheiður Ásta Valgeirsdóttir & Amy Alice Riches
Hámarksfjöldi nemenda
10 Fullbókað! Ef þú vilt koma á biðlista þá getur þú skráð þig hér að neðan.
Um námskeiðið
Þetta námskeið hentar þeim sem eru að taka sín fyrstu skref í teikningu eða fyrir þá sem vilja rifja upp grunnatriði klassískar teikningar.
Markmið
Markmiðið er að þjálfa góðan grunn í teikningu, skilning á efninu og öryggi til þess að teikna á eigin vegum.
Viðfangsefni
Teikning á frumformunum, lífræn form, skygging, fjarvídd, grunnur að mannslíkamanum, myndbygging og notkun blýanta og kola.
Hafa samband
Frekari spurningar á listastudio@arra.is eða
í síma 691-9920.
*Ef þú vilt koma á biðlista þá getur þú skráð þig hér að neðan. Ef það verða forföll þá verðum við í sambandi. Ef ekkert losnar nú í haust, þá munum við bjóða þér pláss á næsta Teikning I námskeið, sem verður eftir jól 2027.
Myndlistakennararnir
Ragnheiður Ásta Valgeirsdóttir
Ragnheiður Ásta starfar sem teiknari og myndlistarkona. Hún menntaði sig í Teikningu (diplóma) við Myndlistaskólann í Reykjavík og kláraði BA gráðu við Tölvuleikjateiknun í University of Cumbria í Bretlandi. Eftir það bætti hún við sig á námskeiðum frá fleiri myndlistarakademíum. Á um 10 ára tímabili hefur hún starfað við fjölbreytt myndlistarstörf, meðal annars innan kvikmynda- og þáttagerðar, tölvuleikja, teiknimynda, auglýsinga og bókaútgáfu. Verk hennar má sjá t.d. bókunum Bláeyg (2024), Ísbjörn (2023), Galdraskólinn (2019) og teiknimyndaseríunni Ormhildur the Brave (2026).
Málverk Ragnheiðar Ástu einkennast af angurværðri dulúð, umlukin íslenskri menningu og þjóðtrú. Dálæti Ragnheiðar Ástu af þjóðmenningu, klæðnaði og náttúru kemur einnig sterkt inn í verkum hennar. Málverkin eru gerð í ýmsum miðlum, meðal annars vatnslitum, kolum, olíu eða blandaðri tækni.
Amy Alice Riches
Amy kemur upphaflega frá Bretlandi en býr nú á Íslandi.Hún kláraði BA gráðu í Fine Art og Mastersgráðu í Listasögu við University of Plymouth. Hún hóf störf innan auglýsingahönnunar og hefur starfað við það síðastliðin 15 ár. Hún hefur unnið með fjölmörgum fyrirtækjum í Bretlandi og Íslandi og hannað og teiknað allt frá bæklingum, lógóum, auglýsingum, myndlýsingum og tölvuleikjum.
Sem myndlistarkona þá vinnur hún með kol, gvass og olíumálningu og málar helst landslag. Hún hefur alltaf heillast að því hvernig landslagsmálverk geta flutt þig á allt annan stað og hún reynir ávalt að ná fram einstökum eiginleika hvers staðs fyrir sig. Hún málar mikið úti (plein air) og hefur það orðið mikilvægur hluti af prósessinum hennar og málar hún fjöldan allan af stúdíum úti í náttúrunni.